أسئلة

أسئلة

التمن حاجات اللي الناس بتسألها قبل ما تطلب. ولو سؤالك مش هنا، اسألنا مباشرة.

محتاج تطبيق؟

عميلك لأ — موبايله بيفتح الوجهة لوحده. وإنت بتاخد حساب مجاني تغيّر منه الوجهات، وبيشتغل من أي متصفح.

بتشتغل على كل الموبايلات؟

اللمس بيشتغل على كل أيفون من XR وطالع وتقريباً كل أندرويد من 2015. واللي أقدم من كده بيمسح الكود المطبوع، فمحدش بيتقفل عليه.

لو اللوحة اتكسرت يحصل إيه؟

ابعتها لنا وإحنا نربط بديلة بنفس الوجهة. وكل اللينكات اللي وزّعتها تفضل شغالة، لأن الوجهة مش متخزنة على اللوحة.

التطبيق مجاني فعلاً؟

أيوه، للأبد، ومشمول في سعر اللوحة. إحنا بنكسب من تصنيع وبيع القطعة نفسها.

أقدر أستخدمها في تحصيل الفلوس؟

تقدر توجّه اللوحة لصفحة فيها رقم محفظتك وهاندل الإنستاباي بزرار نسخ كبير. إحنا ما بنلمسش الفلوس ولا بناخد نسبة — إحنا مش شركة مدفوعات.

أقدر أحوّل Meeza QR؟

لأ، ومحدش يقدر. كود ميزة مش لينك، ده payload منظّم جواه كود التاجر و checksum. لو محتاجه على اللوحة بنطبعه كمنطقة ثابتة منفصلة جنب كودنا — مش مدموج فيه، لأن كده الاتنين بيبوظوا.

حد تاني يقدر يغيّر وجهتي؟

لأ. الشريحة مقفولة من مصنعنا، فإن حد يشيل اللوحة ما يديهوش أي صلاحية. تغيير الوجهة محتاج حسابك، وتغيير وجهة الدفع محتاج هوية موثّقة وتأكيد تاني وبيوصلك إشعار فوري مع طريقة للتراجع.

بتبيعوا بالجملة؟

أيوه، وده أغلب شغلنا. السعر بينزل بالكمية، والسلاسل والفنادق والمطابع والموزعين بياخدوا عرض سعر.

لسه مش متأكد؟

قولنا إنت عايز تعمل إيه وإحنا نقولك اللوحة تحل ده ولا لأ — وكمان لو ما بتحلوش.